dhammapada/brahmanavagga/26.10/theascetic

ಜಾತಿಯಿಂದ ಬ್ರಾಹ್ಮಣನಲ್ಲ, ಪರಿಶುದ್ಧತೆಯಿಂದಾಗುತ್ತಾನೆ

ಜಾತಿಯಿಂದಾಗಲಿ, ಗೋತ್ರದಿಂದಾಗಲಿ

ಅಥವಾ ಜಟೆಯಿಂದಾಗಲಿ ಬ್ರಾಹ್ಮಣನಾಗಲಾರ,

ಯಾರಲ್ಲಿ ಸತ್ಯ, ಧಮ್ಮ, ಶುಚಿ ಇರುವುದೋ

ಆತನೇ ಬ್ರಾಹ್ಮಣ.      (393)

ಗಾಥ ಪ್ರಸಂಗ 26.10

ಜಟಾಧಾರಿ ಬ್ರಾಹ್ಮಣ

                ಒಮ್ಮೆ ಜಟಿಲಾ (ಜಟೆಯುಳ್ಳ) ಬ್ರಾಹ್ಮಣನೊಬ್ಬನು ತನಗೆ ತಾನೇ ಹೀಗೆ ಹೇಳಿಕೊಂಡನು: ನಾನು ತಂದೆಯ ಕಡೆಯಿಂದ, ಹಾಗೆಯೇ ತಾಯಿಯ ಕಡೆಯಿಂದಲೂ ಬ್ರಾಹ್ಮಣನ ಪುತ್ರನೇ ಆಗಿರುವೆನು. ಅಂದರೆ ಜನ್ಮದಿಂದಲೇ ಬ್ರಾಹ್ಮಣನಾಗಿರುವೆನು. ಈಗ ಸಮಣ ಗೋತಮರು ತಮ್ಮ ಶಿಷ್ಯರನ್ನು ಬ್ರಾಹ್ಮಣರೆನ್ನುತ್ತಿದ್ದಾರೆ, ನನಗೂ ಸಹಾ ಅವರು ಬ್ರಾಹ್ಮಣನೆಂದೇ ಒಪ್ಪಬೇಕು ಎನ್ನುತ್ತಾ ಆತನು ಭಗವಾನರ ಬಳಿಗೆ ಬಂದು ಈ ಬಗ್ಗೆ ವಿಚಾರಿಸಿದನು.

                ಆದರೆ ಭಗವಾನರು ಆತನ ದೃಷ್ಟಿಕೋನ ಒಪ್ಪದೆ ಈ ಮೇಲಿನ ಗಾಥೆಯನ್ನು ನುಡಿದರು.