ಪರರ ಮೇಲಿನ ಜಯ ಕ್ಷುಲ್ಲಕ, ಸ್ವಜಯವು
ಅಸಮಾನ
ಸ್ವಜಯ (ತನ್ನ
ಮೇಲಿನ ವಿಜಯ)ವು ಪರರ ಮೇಲಿನ ಜಯಕ್ಕಿಂತ ಶ್ರೇಷ್ಠಕರ, ಯಾರು ಸದಾ ಸ್ವ-ದಮನದಲ್ಲಿ ತಲ್ಲೀನನೋ, ಯಾರು ನಿತ್ಯ ಸಂಯಮಚಾರಿಯೋ (104)
ಅಂತಹವನ ಜಯವನ್ನು,
ಅಪರಾಜಿತವನ್ನಾಗಿಸಲು
ದೇವನಿಂದಾಗಲಿ ಅಥವಾ ಗಂಧರ್ವನಿಂದಾಗಲಿ ಅಥವಾ ಮಾರನಿಂದಾಗಲಿ ಅಥವಾ ಬ್ರಹ್ಮನಿಂದಾಗಲೀ
ಸಾಧ್ಯವಿಲ್ಲ. (105)
ಗಾಥ ಪ್ರಸಂಗ 8:4
ಬ್ರಾಹ್ಮಣ ಅನತ್ಥಪುಚ್ಚಕನ ಜೂಜಿನ ವಿಜಯ
ೆ ಒಮ್ಮೆ ಅನತ್ಥಪುಚ್ಚಕನೆಂಬ ಬ್ರಾಹ್ಮಣನು ಭಗವಾನರ
ಬಳಿ ಬಂದು ಹೀಗೆ ಕೇಳಿದನು: ಭಂತೆ, ನೀವು
ಹಿತವನ್ನುಂಟುಮಾಡುವ, ಸುಖವನ್ನುಂಟುಮಾಡುವ
ಧಮ್ಮವನ್ನು ಮಾತ್ರ ಅರಿತಿರುವಿರಿ ಎಂದು ನಾನು ಭಾವಿಸುತ್ತೇನೆ ಹೊರತು ಅಹಿತವನ್ನುಂಟುಮಾಡುವ,
ಹಾನಿಯುಂಟುಮಾಡುವ ಧಮ್ಮವನ್ನು ನೀವು ಅರಿತಿಲ್ಲ ಎಂದು
ಭಾವಿಸುತ್ತೇನೆ.
ಆಗ ಭಗವಾನರು ಐಶ್ವರ್ಯ ನಾಶಮಾಡುವ ಆರು ಚಾಳಿಗಳ ಬಗ್ಗೆ
ಹೇಳಿದರು. ಅವೆಂದರೆ: (1) ಸೂರ್ಯ ಉದಯಿಸಿದರೂ
ಮಲಗಿರುವಿಕೆ, (2) ಸೋಮಾರಿತನದ ಚಟ (3)
ಕ್ರೂರತೆ (4) ಮತ್ತನ್ನು ಮತ್ತು ಪ್ರಮಾದವನ್ನುಂಟುಮಾಡುವ ಮಾದಕ ವಸ್ತುಗಳು (5)
ಅವೇಳೆಯಲ್ಲಿ ಏಕಾಂಗಿಯಾಗಿ ಬೀದಿಗಳಲ್ಲಿ ಸುತ್ತಾಡುವಿಕೆ
ಮತ್ತು (6) ಅನೈತಿಕ
ಮಿಥ್ಯಾಚಾರದ ಲೈಂಗಿಕತೆ.
ಅದನ್ನು ಆಲಿಸಿದ ಬ್ರಾಹ್ಮಣನು ಬುದ್ಧರನ್ನು ಹೀಗೆ
ಹೊಗಳಿದನು: ಬಹು ಚೆನ್ನಾಗಿ ವಿವರಿಸಿದಿರಿ, ಓ ಶಾಸ್ತರೇ, ಓ ಸರ್ವಜನಗಳ
ನಾಯಕರೇ, ನಿಜಕ್ಕೂ ನೀವು ಲಾಭವಷ್ಟೇ
ಅಲ್ಲ, ನಷ್ಟವನ್ನು ಅರಿತಿರುವಿರಿ.
ನಂತರ ಭಗವಾನರು ಆತನಿಗೆ ಹೀಗೆ ಕೇಳಿದರು: ಬ್ರಾಹ್ಮಣ
ನೀನು ಯಾವುದರಿಂದ ಜೀವನೋಪಾಯ ಮಾಡುತ್ತಿರುವೆ?
ಭಂತೆ, ಜೂಜಿನಿಂದಾಗಿ.
ಆದರೆ ಗೆಲ್ಲುವವರ್ಯಾರು, ನೀನೋ ಅಥವಾ ಪರವ್ಯಕ್ತಿಯೋ?
ಕೆಲವೊಮ್ಮೆ ನಾನು, ಕೆಲವೊಮ್ಮೆ ಪರರು ಭಂತೆ.
ಆಗ ಭಗವಾನರು ಈ ವಿಜಯವನ್ನು ಕ್ಷುಲ್ಲುಕವೆಂದು ತಿಳಿಸಿ,
ಜೂಜಿನ ಅನರ್ಥಕತೆ ತಿಳಿಸಿ, ಈ ಮೇಲಿನ ಗಾಥೆಗಳನ್ನು ತಿಳಿಸಿದರು.
No comments:
Post a Comment